30/06/2013 10:29:02

Së bashku me premtimet e PS-së, të gjithë për republikë të re

Alfred Mosiu: ''Zgjedhjet, revolucion i heshtur''

TIRANE - Kalimin e pushtetit pas 23 Qershorit, që është parë si një akt shumë civil, nga vota qytetarëve shqiptarë, e ka komentuar dhe ish Presidenti Alfred Moisiu, në një intervistë për të përditshmen. Ai i quan këto ''revolucion i heshtur''. Moisiu shton se tani Qeveria e re, duhet të mbajë premtimet e bëra dhe lëshon mesazh të matur dhe të drejtpërdrejtë për Qeverinë Rama, ndërtimin e një republike të re. ''Ky popull votoi jo vetëm kundër arrogancës por dhe kundër mënyrës së menaxhimit të shtetit. Pra nuk votoi pse nuk donte Berishën e donte Ramën. Populli kërkon ndryshimin në koncept të drejtimit e menaxhimit të shtetit. Dhe nëse kjo mazhorancë që ka ardhur nuk do të marrë masa për të ngritur shtetin, për ta kthyer nga një shtet tribal që kemi aktualisht në një shtet ligjor, unë them se kjo mazhorancë mund të sfumohet shumë shpejt. Pra duhet të jetë shumë e kujdesshme, që premtimet që kanë dhënë, të marrë masa të shpejta dhe konkrete për t’i vënë në jetë. Lidershipi i së majtës këtë duhet ta ketë të qartë, se edhe për ta ky votim duhet të shërbejë si një mësim. Populli të toleron, por nuk të fal,'' tha ai.

HermesNews - ©2013

Dërgo me email | Stampo artikullin